BENJAMIN LALDUHSAKA CHAPTER 4

BENJAMIN LALDUHSAKA 

CHAPTER 4

MALSAWMKIMI POV...

Ka la pang ngai thei lo ,khatiang Khan kan awm ang tih ka ring thei lo ,ka la pangngai lo bawk ka kutah a chelh run a ,pawnlam min panpui vang vang bawk,kan pelh a piang te lah chuan min en duh em em zui .

Engtin nge engmah hre lo ang hmiah a a awm theih ni ,“ Ben ih khawimaw miin min en leh thup tawh " ka ti vat a ,a ding chut a “ enge pawi Bawihi tumah ngai pawimawh suh haw I duh ang ka thlah ang che " a rawn ti sup a .

A car lam chu min pan pui hnak hnak a ,keiai upa fee ka ngaizawng mai chu ania ,keimah in ka nui tut tur ringawt ,ka hma a kal lah hian ka ngaihtuah na a hre awm der silo ,car kan thlenga ,min thutluh tir in a mah pawh car kal hual pawk pawk in a rawn thu lut a .

A tlanchhuah hma chuan min rawn fawp leh zauh a ,a hmai hmui in a bawh deuh chu ka en vang vang a ,a va han pa chiang tak ,bialpa senior deuh chhelo bawk si neih hi a tha phian ,kan duh duhin kan thinrimin kan titau ngam a ,bialpa keimahni rual neih chu an mahni buaipui zawk a ngai reng dawn sia .

Chuvang chuan mahni ai upa tal hi nei ila a tha ka ti ve tlat ,“ Bawihi kan thleng ania enge I ngaihtuah a " a rawn tisup a “ aw ih....engmah ..engmah ka ngaihtuahlo " ka tibah niai a ,ka dawtsawi chu ka lei ka chhuah zauh ringawt .

“ Min ngaihtuah anih kha " tihpahin a nui suk a “ ngaihtuah bawk lo " ka tihmuk a ,ka lam ah rawn hawiin a nui deuh sawng a “ lut ang nge hetah hian kan awm reng Dawn " a rawn ti a ,ka harh chhuak vat bawk .

Kawngka chu ka hawng rawk rawk a ,ka chhuak nghal vat bawk ,min rawn zui a ka kutah vuanin inchhung min luhpui chu ka mengphawk hru ringawt ,ka kut chu talchhuah tumin ka ti che a ,mahse a man nghet lutuk.

Ka nu leh pa chuan min en vat a ,ka zak lutuk chu ka kun reng “ e bawihte in lo thleng a law Dr ben lo thu rawh" an lo ti zung zung a ,ka ngawi reng ringawt ,Lalduhsaka chu ka melh hrep ringawt 

“ Thil dil duh cheu ka nei a " a ti nghal sup bawk ,ka pa chuan “ enge a " tiin kan pahnih chuan min en a ,keipawn engmah ka hre lo ania chhan ngaihna a awm lo “ naktuk hi ka nau te inneih ni tur ania Malsawmi hi hruai ka duh deuh a ,a theih chuan nangni pawh lokal ve ula ka ti mawle " a ti a .

Naktuk hi a nau te inneih ni kha maw ,engmah ka lo hre reng reng lo “ ni e kal rawh u keini erawh hna ah kan la buai deuh bawk nen min lo hrethiam mai dawn ania " ka nu chuan a rawn ti a,ka thaw huai thung.

An room a an luh hnu chuan Lalduhsaka chu ka beng chawrh “ ahma te khan min hrilh ve ta che mawla ,engmah ka hre lo tep anih hi " ka tihlar a ,ka thinrim.hlur thei “ aw I nu leh pa bula sawi hmasak ka duh alawm chubakah kan la buai sia ,chuvangin kan hman hun ka nghak alawm" a rawn ti a .

“ Anih tak chu a " tihpahin ka hawi tau hmak ,ka lung a awi thei thlawt lo sawi hmasa se chuan hak tur te lo ngaihtuah lawk ka duh ania ,ka biangah a rawn piai leh vak a “ ana Lalduhsak" ka ti tuar ,thinrim sa nen ka melh rawm rawm .

“Ka bialnu tereuh hi a titau leh tawh em ni lokal teh" tihpahin amal chungah min thut tir a ,“ engmah hak tur pawh ka nei lo nangmah vang vek I hria em " ka tihlar a ,a awmah min kuah bet in a rawn kun hniam.vut a ,ka hmuiah a rawn fawp nghal hmiah.

“ Thinur tihrehna " tihpahin min kaitho a ,pawnlamah min hruaichhuak leh chu mak ti zetin ka en a “ enge kan tihdawn hey ka biakna che haider suh" tiin ka tawng a ngaipawimawh lo chu ka hau leh nghal zat a .

“ I thawmhnaw tur leh ka thawmhnaw tur kan en ang " a rawn tisup a ,hepa hi chu aw hnial tawh biklo chuan carah ka thu lut a ,bazarpui lam kan pan vat ,hmeichhe thawmhnaw zawrhnaah min kai lut a ,mi chuan min en duh leh pek hle .

A awm ve tho ka bula palian leh hmeltha hi tunge thlir lo phal ang ni ,kawrfual min en pui a ,a pawl ka duh miau a vangin min leisak tawp ,ama hak tur erawh coat insuit a black a ruka tial deuh chu ka thlansaka,ka nui var var,ka thlan mi a hnial lo chu ka lawm takzet .

Kan vakkual paha ,restaurant ah chawlin ka duhzawng ka ei leh teuh kha ,tereuhte nimah ila ei erawh ka thei viau ,chuvang aniang ka rual puiah ro ro chuan min hneh vak an awm lo ve tlat ,kut inkai rialin kawngpui kan zawhduna ,hmeichhe ho in a a thla an laksak zauh zauh chu ka hua .

Ka tum bur chu ka bula kal lah chuan ka bianga fawp zauhin min kalchak pui sauh a ,inlama kan haw leh thlengin ka titau a ,min thlem char char keilah ka tawng duh tawh lo hrim hrim,kan in kawt kan thlenga ka chhuak tur chu ka kutah a rawn vuan a .

Alamah min pawt hnaiin ka hmuiah a rawn fawp vang vang a ,ka thinrimna a bo nghal duakin ka hria ,ka chhang let vat ,ka chalah a chal a rawn nawr a ,a thaw nghal halh bawk “ ka insum theihlai hian lut vat rawh naktukah ka lo lam ang che " tiin min fawp leh zauh a .

Ka lei ka chhuah ringawt ,ka chhuah rualin kut ka vai zeuh a ,a tlanchhuak chu ka thlir vang vang ,in chhung ka lut a ka thawmhnaw pawm lut chu ka nu chuan min lo nuih var var a “ kan fanu tuma duhloh emaw kan tih pawh bialpa chhelo a neia a hmel a hlim sang reng mai alawm" a rawn ti a .

“ In ninawm duhtu ka ngah " ka tive nghek chu ka pa nen an nui hawk hawk a ,ka room lam ka pansan nghal nal nal bawk ,ka khumah chuan ka mu thla dat a ,ka tal nghal nawk nawk ,Bena ka ngaihtuah phei chuan ka za mer mer thei .

Vawiina a chetdan chu ka mitthla ah a rawn lang a ,sex hmang miahlo in tikhan ka awm thei ania ,chaw kan ei a zanah min rawn phone a ka chhang vat ka lakrualin “ ka ngai che " arawn tisupa ,chhan dan tur ka hrelo .

Keipawh hian ka ngai ve tho ,a awm lum thur thur leh a rimtui tak te ,a engkim ka ngai mahse ka sawichhuak ngam lo thung “ mawh bawihi min ngai ve em" a rawn ti a ,a aw naupang chhia lutuk chu ka nuih hak .

“ Um" tihpahin ka nuisaka “ kha chauh kha maw " a la rawn ti zui ,ka ngawi hmak ,a rawn nui hawk hawk a “ I zakleh tawh ami bawihi " a rawn ti leh a ,ka thaw hak “ suala I sual lutuk " ka tihlak hlak a ,“ I awm Dan tur chu ka hria I biang kha a tai leh tek anga I lei i chhuah leh ngei ang " a rawn tichu ka nuih ve tawp .

Rei fe kan inbiak hnuah kan titawp a ,nui var var chungin ka mit ka chhinga naktuk chu a phut zawkna turin kan inchei parh ange ,haha.

BENJAMIN POV...

Ka mut hmunah chuan ka nui leh thin ,a awmdan engkim hian min tilawm a ,ka nupui niturin ka duh bawk ,a tawngtam lo a ,a tawng ve chhun erawh hi chuan hauh inpeih hi a ngai thlap thin .

Ka mit chhingin naktuka ka nau pasal nei tur chu ka ngaihtuah vang vang a ,mahni nau te zawkin min neih khalh tur chu ka nuih lam lam aza ,ka nute pawh hian mo an hmu chak tawh tih ka hria ,naktuk hian bawihi hmuh tir ka tum bawk .

Zingah tho in exer ka la zuai a ,ka inbual zung zung a ,ka nautei lam hmat ka duh miau ,a coat min thlansak chu ka ha a ,ka inhmeh phian leh nghal ,thil mawi a hre dawn anih hi ,ka sana chu en zawkin ka chhuak a ,ka car chahbi chu la in ka nu te chu ka mangtha zauh a 

Ka farnu lu ah chuan ka fawp zauh bawk “ kan fapa ve hian engtikah nge tu hmel te hi min hmuh tir ang ni" ti a ka nu tawng hlak hlak chu siai sukin ka kal chhuak nghal vat ,ka hmanhmawh Malsawmkimi hmuh hlan mawlh ka nghakhlel 

An inkawt ka thleng a ,inchhung ka luh chuan a nute chuan min lo chhawn vat ,ala insiam thu an sawi chuan ka nui hak ,eng tin tak rawn inchei ang maw ,apa nen chuan kan titi mawlh mawlh a ,an tawngkam chu a felfai in a zahawm khup a .

An fanu hian a chhun fuh tih ka hria ,,kailawn ri khep khep ka hriat chuan ka hawi chho vat a ,ka meng nghal kawk ,hetiang hian a in chei ang tih ka ring lo ,a inhmeh takzet ,a hmui chu nidang ang lo takin a sen hlar a .

A kawrfual pawl hak chuan a ti lang nu hnap bawk ,ka bul a rawn thlen chuan ka nuihsuk a ,a nu leh pa chu mangtha in kan inzui chhuak a ,car kan thut luh hnu chuan “ I nalh lutuk" ka tizui a ,a nui var var chu ka fawp zauh a .

“ Nangpawh I nalh lutuk chuan hmeichhe dang melh hlek suh ang che " a rawn tihchuan ka nuih hawk hawk a ,a biangah chuan ka khuap run bawk “ nangpawh mipa dang I hnaih anihchuan ka khawih hrep ang" thutak zetin ka ti a 

A rawn chek hlak chu ka nuihsak ,“ kal zung zung ang chuti lo chu I make up. achhe vek palh ang " tiin ka tlan chhuah pui a ,inneihna hmun kan thlen chuan an lo tam tawh viau sarai pawh a tel ve bawk a inchei dan chu a u chuak mah mah ani .

Min rawn pana “ I va chhelo ve I kawr chu I inhmeh kha ,I thlang thiam khawp mai " tiin a nui var var a ,bawih chu enin ka nuisuk a“ kan lawm e a thlang tunu hian a thiam alawm" tiin bawihi chu ka pawt hnai sauh a 

Kan hmanhmawh deuha kan kal ange " tiin ka kaisawn vat “ I van ngeiawm tak" tiin bawihi chu a nui hak hak a “ khatia ka chhan mai loh chuan I thik leh dawn sia " tiin ka en a ,a hmui chu a tipawrh vak a ,nuih hawk hawkin biakin chhung lamah ka hruai lut a .

A bul chet ah ka thu bawk ,ka naute innei chu kan thlir a ,bawihi chuan a mittui a hru fap fap a ,a kutah chuan ka vuan vat thlalak a hun chuan ka hruai telve tlat a vangin min hnial ngam tawh lo nen a tel ve zel a ,ka nu leh pa lah chuan min la signal zauh zui 

Thla lak zawhah ka nu leh pa bulah ka hruai a ,ka inhmel hriattir nghal vat “ i hmeltha hle mai bawiha hian nupui neihna chang a hre silo ,tihian innei ve vat vat ula fate nei vat vat rawh u" ka nu in a tihchuan bawihi lai chu a kun tlat leh nghal .

Ka kuah hnai a “ lungngai suh u kan innei ve tep tawh ang" tiin Bawihi chu ka fawp zauh a ,ka awm ah a chum pawp ka nute lah an lo nui hak hak a ,inlamah kan haw a ka hlata awm tir ka duhlo mipa ho in an melh dan te chuan ka pawi an sawi miau .

Ka ta chauh anih hi ,kan in chu a en vang vang a a nghawngah chuan ka nawr nu nu bawk “ a nalh lutuk" a rawn tisap a ,a nghawngah chuan ka fawp zauh “ nakina I in la nimai tur anih hi a enkawl tu ber ila ni dawn alawm" ka tisup a .

Min rawn ngheng nghal dat “ Ben min hmangaih takzet em " a rawn ti a ,ka kuah nghet sauh “ ka thinlung zawng zawngin ka hmangaih che " tiin ka fawp vang vanga .