CHAPTER 7

MALSÂWM PUIA

CHAPTER 7
Chutia tu dang mah ngai lo a kan awm reng lai chuan kan hnung lamah naupang thâwm a rawn awm nak naka. Thingsemim chhar tur an lo nih hmel, chutiang a awm tih pawh ka lo la hre miahlo ania.

He khua a ka awmna hi a rei ve tawha, mahsela ka vah chhuah tam loh vang nge khaw dai lam phei hi chu ka hre chiang lo viau. “U Sawmpui in lêng elo? Thingsemim kan rawn zawnga” naupang ho chuan nêl tih hriat tak hian u Sawmpuia chu an rawn be zui a.

A nipawh chuan nui var var hian a lo chhâwn a “Khawi maw in hmu tam tawh em?” tiin an ipte ah lai chu a en saka, ka han en ve chu an lo chhar nual tawha. A lian ṭha em em mai lehnghâl, “Ei ve ru, kan chhar tam a lawm. Inah kan kang dawna” tiin kan bulah chuan min nêl tak hian an rawn ṭhu a.

An hmêlṭha em em mai lehnghâl, kum 5 vêl lek si in an chêtdan chu a puitling khak lehnghala. Ka lâwm tak tak a ni, nui var var hian ka lo ena “A u, u Sawmpuia nên hian in inngaizawng em ni?” pakhat sam kir deuh chiat chuan a rawn ti reuh lehnghâl.

Chhâng mai lo chuan u Sawmpuia chu ka en zawka, engtin mah a awm lêm loh avâng chuan naupang an ni bawka tiin kan in ngaihzawn thu chu ka hrilha “In inhmeh e, a u Sawmpuia te chu a fel si, a u nang pawh i hmêlṭha, a nihchuan in innei dâwn em?” a rawn ti lehla.

Ka nui hak mai, a naupan ang aiin a zawhna chu a puitling khak reuh lehnghala. Chhân ka tum tihah u Sawmpuia zâwk chuan Thingsemim kheh pah chuan a rawn chhâng a “Nei dâwn e, ka nupui a ni ṭep tawh. Kan inneih hunah chuan lo kal ula, flower girl ah in ṭang dâwn ania, in duh em?” a tihchuan naupang pathum chu an phur ngei mai.

Nui ver ver hian an châk thu chu an sawi zui nak naka, keiin an thingsemim chu ka lo ei ve bawka. A thlum hâng dep dep nimaiin ka hria a, a tui ka tihzawng tak a ni.

U Sawmpuia naupang ngainat zia ka hmuh chuan fa nei pawh ni ila a duat dâwn tih ka hre thei. Chutia naupangin an ngaina em em chuan ka ngaih a ti ṭha sauh bawk, a sual dâwn lo tih ka hre chiang miaua, naupang ho kalsawn tur chu kan ei tur lei ṭhenkhat chu kan pe ve a.

Lâwmthu sawi chungin hlim zet hian khaw lam panin an tlân haw zuia. Kan en zui vang vang mai, naupang rilru thianghlim zet bula awm hi a lo nuam a nih hi.

“An la tê sia, an rawn vâk hla ngam bawk sia an van huai em em,  keichu ni ila ka ngam ka ring lo” ka tihlai chuan ka hnungah rawn ṭhu in min rawn kuah zuia.

“Naupang an la nia hlauh nei lêm lo, ngaihtuah êm êm pawh neilo. Mahsela an chhungte'n an ngaihtuah ve dâwn a nihkha, tlai lamah kan inbulah hian an rawn infiam ṭhin a” a tihchuan ka bu nghata.

“An duhawm ka ti, an hmêlṭha bawk si. Khatiang naute kha nei ve ila ka châk” ka tihchuan nui hak hian ka nghâwng chu a rawn nul dan dana. Za ka ti chu ka nui hak hak mai, a kut chu man betin ka chûl sak hliau hliaua.

“An mahni aia duhawm leh hmêlṭha kha min la hrinsak dawn a lawm. Keiin ka enkawl pui bawk ang che anga, a thleng har tawh lovang ka nupui i nih vat hi angai” a tihchuan ka nui deuh haka.

“Min hnar vei awr awra, tûnah lah min neih i tum leh vut vut bawk sia i mizia hi chu hriatthiam a har ve thlâwt alawm. Mahse ka duh tho che, khawvêl mipa ka hmuh tawha hmelṭha ka tih ber kha i ni miaua” ka tihchuan alam hawi zâwnga min kuai herin min fâwp vang vanga.

A duhthawh sâwt em em lehnghâl, mahsela dân khatna ngeia inneih kan duh avângin kan insûm thei viau thung.

A tuk lamah hospital ka kal chu u Ramin min lo koh avâng chuan ka office lam pan mai lovin ka hnaih leh riha, eng thu tak chu sawi tum ang maw? U Sawmpuia nên an lo inkawp ve tawh ṭhin na ah ka ngaina hauh lova, a hmêl awm dân hrim hrimah chuan thil ṭha lam a ni dâwn lo tih pawh ka hre thei.

Room pakhatah a lût chu ka zui lût ve a, chutah ka lam rawn hawiin “Sawmpuia hi kalsan rawh, nang hian palai rawn tirh tur kha ilo dang tiraw? I taksa hmang hian em ni ilo thlema? Nge ni a Doctor i nih ve tâk avâng hian ilo inchhuang zâwk?” a rawn ti ringawt chu chhân ngaihna hrelo lutukin ka en tawpa.

Engtin nge khatiang ngaihtuahna sual kha a put theih zâwk? Zak theilo hiana, ka taksa hmanga u Sawmpuia thlêm anga min ti kher kher chuan min ti lâwm hauh lo “En teh u Sawmpuia hian min hmangaih avângin min thlang tih hi lo hre rawh, Palai êm pawh a rawn la tirh loh kha. A duh lo a a ṭhulh leh a nimai, ka taksa hmanga thlêm ka mamawh lo. A mahin a tâna ṭha tur a hria, duhthlang turin a nun ania a thu ber, keini thunun theih a nilo ve ve” ti a chhuahsan mai ka tum chu min rawn dang leha.

Ka inher rual chuan ka samah a rawn kêk nghal lâwp mai, ka inrin hman loh avâng chuan ka pai ve nawk thei. Mai mai chuan ka thinrimna a kai chhuak tlat, keiai tê leh nghalin chutia kut min thlâk chu ka lâwm hauh lo. A samah chuan kêk lêt ve in leiah chuan ka kuai thlu ṭhuai a, a au nasa bawka kawngka rawn inhawng rawkin nurse ho chuan min rawn ṭhelh zuia.

U Rami chu ala au vak vak mai, midang in an man bet chung pawh chuan min rawn khawih leh tumin min ban zuau zuau renga, mi hmuha mawi chu zawng lo ila chuan a thusawi zozai avâng ringawt pawh chuan ka khawih sawk duh ang.

“U Sawmpuia hi ka chhuhsak che a niloa, amahin a duh a thlang a nimai. Tin, nang nên chuan kan inthlau lutuk vawikhat mah dawt thu khân min puh leh tawh suh ang che. Ka ai a u i nih avâng chauhin ka ngawihsan che a, i duh chuan damdawiin pâwnlamah kan sawi fel thei ang” ti hmakin ka chhuahsana.

Ka sam thur deuh bum chu ka tuai mam mawlh mawlha, nurse ṭhenkhat chuan min zui chhuakin u Rami chêtdan mawi loh zia chu an sawi ri sep sep bawka, chutia ka sam ka lo chûl mawlh mawlh lai chuan u Sawmpuia aw ri ka hre zuia.

“Nono tinge? Thil thleng a awm em ni?” ti a ka bula a rawn din lai chuan u Rami te pawh chu an rawn chhuak ve a, a hmai vêl chu a khem nuaih bawk nên u Sawmpuia chuan mak ti zet hian a en a, engmah sawi ka tum der lo. Ka thinrim la kal tluang lutuk chuan amah u Sawmpuia ngei te chu hauh hlawih hlawih mai ka châk a.

Mahsela ka insûm hrâm hrâm a ni, “Khawi maw min en teh. Engthil nge thleng hi, i sam hi a va thur em em ve, Rami nang pawh i hmai kha enga tinge?” tiin keichu min kuai dâk zuia, ka lo hawisawn nghal vat nângin ka hmai pem chu a hmuh hmaihlo tih a hriat

A rum nghata “Engthil nge thleng hi sawi fiah rawh u. Doctor leh nurse in lo insual a maw? Damdawi in in ti hmingchhe thei tih inhria em?” lâwm vak lo chuan a rawn ti a. Kan Ram phakari lah chuan ka ṭan hmasak a nih thu chu zâm map lo chuan a la sawi zuia.

A dâwt sawi awlsam lutuk leh hnehsawh lutuk chuan sawi tur min ti hreloa. Ka melh tlawk tlawk ringawt, engtin nge chutiang dâwt muhlum a sawi theih? U Sawmpuia ṭhian ang talin ka la kâwm thei angem ti a min zawh avânga ka sawisak tâk thu a sawi a nih chu!

A va han zâm lo tak “Chu chu a dik em?” u Sawmpuia chuan min rawn en chung hian a rawn ti a, chu nu daw heh lutuk dâwt sawi chu a pawm tihna em ni? Ha! Min ring thlawt lo tihna.

“Ngaihdam dil rawh Nono, i aia upa a nihna angin i zah ve tur a sin” a rawn tihchuan mak ti zet chuan ka ena. Tûnah khân a bialnu hlui dawtsawi thiam zet hmaa thupha chawi turin mi ti amaw? Zak theilo chuan, ka dil awm lo emai.

“Teuhlo lutuk, i duh leh nangmah khân dil rawh. Ka tihsual hmasak a ni rêng rêng lo, ka tihsual nilo ah ngaihdam ka dil lo ang. Dâwt i sawi leh dâwn pawhin cctv a awm tih ilo hre tawh dâwn ania” ti hmakin room chhûnga cctv an dah chu ka kawh hmuh zauha.

A mitmeng danglam nghal zawk chu ka hmu thei, Malsawmpuia chu rum zet hian ka en leha. Tûnah tak hi chuan a huat in ka haw hluah hluah a ni ber mai, ka thlavang hauh lo in khatiang khân a awm ania. Chutah a bialnu hlui vangin ala ni zui, kha chen a lo zui tawh chu a thlavang ala hauh nasa hle a nihkha.

Kalsawn hmakin ka office lam chu ka pan zui nal nala, office chhûng ka lût chiah tihah ani pawh a rawn lang nghal zat mai.

“Chhuak rawh ka hmu peihlo che, i duh leh i bialnu hlui bulah khân va kal leh rawh” ti hmakin chair ah chuan ka ṭhu thla a, a enga mah hma a thu dik hre hawt siloa ngaihdam dil tur a min ti kha ka hua a ni ber mai, a hmêl te thleng hian ka ngei hlui bawk.

“Nono ka hriatsual vâng a nihkha, a hrim hrimah i aia upa a nia khatiang nangmah zawk i mualpho thei a sin” a tihchuan rum zetin ka ena “Ka sam a keh kha khawih lêt lo in keh tir char char rawh i tihna em ni? A teuhlo mai, kut thlawn ka ba ngai lo, ka aia u pawh nise a duh duha min khawih theihna dân a neilo, chhuak rawh ka hmu tui tang nek lo che” ka ti leh hlaka.

Ka thinrimna a kai tho tlata, ṭawngkam mawi pawha biak ka tum lo. Ka ngei hluah hluah mai, a chhuak mai dâwn emaw tihlaiin ka bulah a rawn phei leh deuh deuha, engvanga chhuak duhlo fa ko chu nge maw anih le?

“Malsawmpui ka sawi chu i hrelo em ni? Min chhuahsan nghal rawh, min ring lo tu bialpa emaw pasal atân pawh ka duhlo. Min kalsan nal nal rawh” ti a chhuah mai ka tum chu min pawt nawlhin a âwmah chuan min kuah bet zuia.

Engvanga hetianga awm fo nge maw anih le “Min thlah nghal rawh, min ring lo leh ka thlavang pawh hauh lovin kha nu kha i ṭan zâwk a ni lo'm ni? Kalbo nghal rawh” tiin lungawi lo leh thinrim seh chilh deuh nak chuan ka melh kha kha renga, ka lungawi mai a ring a nihchuan a tisual chhia va ang, hmana amah ûmzui reng ṭhin kha ka ni tawhlo, ka danglam ve tawh tih hi hre rawh se.

Hetianga min palzût mai mai hi ka duh bik teuhlo, min rawn hnaihin ka hnial chung chuan min rawn pawm beta. Tâl chhuah ka tum ve tak nângin a ni mipa tha chak lutuk chu ka namsawn thei der lo.

“Ka tihpalh, thinrim tawh lo la. Ka thiamloh a nihkha, min thinrim khum tawh suh aw, khatiang thil kha a thleng leh tawh lovang tih ka tiam a che” a tihchuan ka la nam ṭang ṭanga, ka thinrim êm a nêm mai mai ka tum lo. Chubâkah kan insualna avâng khân ka nghâwng te hi ana lutuk tlat.

“Min thlah nghal rawh tenawm lutuk pa, i bialnu hlui ania i la duh anihchuan keite chu ka inthiar fihlim thei lutuk, hmu zo lo pawh ka ni biklo. Englai mahin nangte chuan min ṭan ngai hleinem, kal bo rawh keimahin ka awm duh ka tihkha” tiin ka au zui tân tâna, ka thinrim tual tual mai lehnghâl.

Ka chalah rawn fâwp vang vangin “I hriatsual a nihchu, englai mahin ka ṭan lo ngailo che. Mi hmaah i lan mawi loh ka hlauh vâng zawk a nihkha, ka nupui hual i ni a, i hmingchhiatna tur thil i tih ka duh lo mai ania, nang aia a u avângin midang chuan an hmu dik lo nghal dâwn che a chutiang thil chu ka vengthawng zâwk a nih kha” a tihchuan ka nui haka.

“Min ringlo a nihchuan cctv a awm reng a lawm, ka diknaah chuan ka tlâwm dâwn lo. Chhuak rawh” ti a dâk ara ka en chhoh lai chuan rawn kûn hniam thutin ka hmuiah chuan a rawn fâwp zui buan buana, namsawn tuma a âwm vela ka namna te chu engah mah ngailo tih hriat takin chair ah chuan min ṭhut thlâk puiin amal chungah chuan min ṭhut tira.

Min fawhna a thlah hek lo, ka hnute vêl chu ṭhâm nak nakin thawk a la zui ham hama, hnuailam a miin ka kap a rawn do nghal ul chu ka hriat hmaih hauhlo. Kei ngei pawh a mi fawh-na a vâng chuan ka danglam lo theilo, ka thâwk a sa ham ham renga, eng emaw tak hian min rawn ṭhâm er er bawk.

Ka kawd chu hlimin ka hnute chu a hmui chuan a rawn nul zui thuak thuaka. Ka thaw hak a hriat rual chuan a rawn nui suka “Ka nupui tur, ka hmangaih em em i ni tih hi hre reng rawh. Khâng hmeichhia aia ka lo thlan tawh kha i ni a, ka lakah pawimawhna neilo angin in ngai tawh suh. Reiloteah ka nupui i ni thuai tawh dâwn a, lo inti thinrim lo teh ang. Kan lehkha an tar tawh lehnghâl” a tihchuan ka la tûm bar mai.

“Khanu kha i ṭan zâwk anihkha, min khawih hmasa lo se ka khawih hauh lovang, nangmah kalsan tur che leh ka taksa hmanga thlêm angah che min chhuah a nih kha. A thu a awm lo hrim hrim, tin ka taksa mawina hmang hian ka thlem che em ni?” ti a ka zawh tâkah chuan a phun hluka.

“Rami mai mai chuh! Chutiang thu chu a lo sawi a maw? Nakinah keimahin ka be mai ang, nang chuan engtin mah lo ti tawh suh. Kei min neih hi hre reng la,ka kutah engkim nghat ngam la,a bâk chu keimahin ka ti vek mai ang” a tihchuan ka bu ta nghata.

Nui suk hian ka hmuiah chuan a rawn fâwp leh vang vanga, Doctor meuh ni tawh mai ila alaka pangchang taka awm leh tih tauh kual hi nuam ka la ti reng. Ka biangah chuan rawn dawm leh chat-in chiang zet hian min en leha, “Ka nupui tur hmelṭha em em hi a thinrim ka phal hauh lo ania, naute duhawm tak tak neih dun tum laia min lo thinrim khum chuan ka suangtuahna zawng zawng kha an bo mai dawn a sin” a tihchuan ka nui ve ta haka.

Thinrim reng tum pawh hian alakah chuan a thinrim theih tak tak ngailoh, ka lo duh in ka hmangaih lutuk tawh pawh a nimahna.

“I office ah kal tawh rawh, hna ṭan a hun dâwn. Chhûnah min lo sâwm la, vawiin chu keichu ka âwl deuhin ka ring” tiin ka phun niah niaha, a la peih loh hmêl em em mai lehnghâl.

“Ka ning naktuk chu chawlh la ve ve ang kan pahniha hun hman ni lên ka duh, he hna thawh reng pawh hi ka ning” ti a a phun hluk hluk chu a tukkhumah ka chum sak nghal lawlha, khatiang sawi chi pawh ania mi?

“I hna a nia i tih tur alawm, khatiang sâwi hauh suh aw” tiin ka melh ram rama “He khaw mite tâna kan awm thei hi lawm zâwk ta che. I khua a nih ve tho hi, khatiang thu vawikhat mah sawi tawh hauh suh, a hmaa damdawiin awm hma a in buai ṭhin zia pawh ka hre ve bawk. Tûnah damdawiin changtlung tak a awm leh a thawktu kan ni hi kan vanneih zia ngaihtuah zâwk ta che” tiin ka hau hlak hlaka.

“Ka nupui i ang tawh reuh lutuk” tiin a rawn nui hak a nihchu, mi thu tak ve teh lul nên chutia a rawn nui chu ka ngei tak tak a ni.

“Fiamthu ka thawh lo aw” tiin ka tûm deuh bara, min kuah nghet leh sauhin a awmah chuan min pawm vang vanga “Ka ngai che, i kianga ka awm reng chung pawh hian ka ngai che, hetianga min zem â thei hi eng chiah nge i nih ni? I zûn hi ana mah mah a ni” a rawn ti ngei lehnghala.

Inlak zei a tum emaw ni? Ve neuh neuh hian a “I â sa hrim hrim alawm, kha chen nangmah duhtu i hnar ṭang ṭang pawh kha i ât vâng ania” ka lo ti hlak chu a rawn nui deuh hawk hawka, keipawh ka nui ve tho.

A chhuah hnuah hna kan ṭan a, keipawh rinai takin ka buai leh ta viaua. Damlo in entir tur in report sa an tlêm avâng khân ka âwl kha ka lo ring deuh kha ania ka ringsual chhia va a ni.

Hunte chu liam ve zêlin kan inneih ni pawh a rawn inher chhuaka, phûrna leh huphurhna nên ka kawp a ni ber mai. Mahsela khawvêla ka mipa hmuh tawha ka la duh ber mai nei tur ka nih avâng erawh chuan ka lâwm viau thung si. Hetiang hun kan thleng ang tih hi ka ring pha lo.

Inneih thutiam te chu ring takin kan chham dun a, chu chuan mipui a chawk hlim bawk aniang an lo nui leh hak ṭhin.

“Ka nupui duh tak” ka hnunglam aṭanga min rawn kuahin ka dârah khabe a rawn nghata, ka lo nuih sak bawk. A hma a ama room ni ṭhin tûna kan nupa room nita ah chuan kan awm dûn rana, khumah ṭhu in min kuaha, ka zâm rualin ka phur ru riau bawk si.

“Amak tiraw? Ka duh em em lai che khân hetiang kan ni ang tih ka ring phalo, tûnah chuan ka pasal i ni tawha” tiin ka nuih saka, ka hlim takzet.

“Keipawhin ka hmeichhe mize duh loh zâwng putu hi heti tak hian ka vei ang tih ka ringlo, ka la hrilh loh tâk che in ka hmangaih che, ka hriat loh laiin ka thinlungah i rawn lût a, ka hriat loh lai erawh chuan i chhuak leh tawhlo tawp ang” a tihchuan ka bu nghauh nghauh mai.

“Keipawhin englai pawhin ka hmangaih che” tiin alamah ka inhera, ṭawngṭai dunin pathian hnênah lawmthu kan sawia, chumi hnuah a nupui ka nihna ang ngei chuan chêt a lâk zawma, ka neih theihloh tur a ka ngaih, ka kalsan phal siloh chu tûnah chuan ka beidawn duhloh na in ka ta ah a siam a, keipawh a ta ka ni ta bawk.

Kan pahnih tân chuan kan nunah a hmasa ber ve ve kan ni tih kan inhre tawna, chu ai bâka hlimna tur chu kan inneih aṭanga thla thum lekah ka ruak lo nghala, ka chhûngte bâkah ka pasal chhûngte pawh an lâwm, Tepuii nên lah a hma ai mahin kan in pawha, u Pekpeki te pawh ka chungah an ṭha, an vai mai chuan min duatin eitur ṭha ṭha min ei tir âwl lova, an ni ang chhûngkua a ka lâwi thei chu ka hlim bawk.

An inchhunga ka lawi lût chu hrehawm tihna ka nei ngailova, an vai maia min duatna chuan min ti hlim a ni ber mai. Chutianga min duat chu keipawhin ka ngeih nge ka thau in ka vun a êng sara, nau ka pai ta bawk nên ei tur ṭha ṭha min hlui renga, Tepuii lahin ni a nih hun tur mawlh a nghakhlel a, ka pum chu lian har a tih thu a sawi leh ṭhin a, nu Ṭha-i chuan a lo hau leh hlak ṭhin.

An chhûngkua nêna in pawh sa kan ni bawka kan hlim tlâng thei viau. Pa Hriatpuia lah chuan u Sawmpuia a runluih peihin an pafa chuan an in ti tau bur bur ṭhin chu keiniin kan lo nuih leh chhâwng a, pafa in nêl tak an ni bawk a rei erawh an in ti tau hleithei meuhlo.

Ka naupai lah chu huat vak ka neiloa, mahsela ni lenga damdawiin lama ka awm ve ṭhin avâng erawh chuan ka chauh pui ve thei viau mai. Mahsela ka pasal leh a chhûngte hmêl ka hmuh apiangin ka na te chu an dam leh huai ṭhin, zân lamah ka ke min hmeh sak ṭhin a, a duty zân apiangin a phun ziaha, min awm loh san kha a duhlo ani ber mai.

Tûm bur chunga a chhuah châng a tama, keimah lah hian keimah avânga a hna a ṭhulh ka phal bawk silo nên ka lakah a ti tau reng hi a ni ber mai. Mahsela rei a titau theilo, a tâwpah ka dulah bawk a ṭuan leh ṭhin a, pa nih a ngahhlelh zia ka hria a, keipawhin naute chu rawn piang vat sela tih hi ka duh ber a ni.

Ka pasal leh a chhûngte an hlim tur ka ngaihtuah hian ka châk ve em em ringawt.

“Min lo ngai em ka hmangaih te u” tiin in chhûng lamah chuan min pawm lût zuia, hei hi kan nitin tih dân a ni bawk, ka rin phâk bakin ka chungah a felin min hmangaihna a tilang âwl lova, chu chuan nun hahdam na min pe bawk, ka neih theihloh tur tiin lo beidawn san mai ila chuan ka nei ngai hauh lovang, ka beidawn lohna rah chu tûnah ka hmu ve ta.

“Vawiin chu a che nasa reuh lutuka, ka dul hi a puar pawp pawp ni berin ka hria. A rawn pêt na reuh lutuk ” ka tihchuan a nui vur vura “A ṭha a nihchu, a pa hi min rawn chhûn hle sela a nimai, ka duat tawh ang che” tiin room lam chu min panpuia, vawiin chu ka nu leh pa an lêng chhuaka, upat lamah an pahnihin hun an hmang dûn khât an ti deuh aniang pa Hriatpuian lên chhuah a rawta, an lêng chhuak ta kha ania.

“Um inbual fai phawt la, khumah ka lo nghâk ang che, ka chau lutuk duat ngawih ngawih ka ngai” ka tihchuan nui deuh hakin a inthlak zui mual muala, a in uluk peih bawka kan inneih hnu thleng hian dul kiar luah hian ala awm lova, a six pack pawh a la ngai renga, a pian a nalh reng mai bawk.

Reilote ah bathroom aṭang chuan rawn chhuakin ka bulah a rawn ṭhu zuia, ka ke chu amal chunga hlangin a hmet nghal mawlh mawlh a. Ka dam sawng sawng thei hial mai, min duat lutuk hi amah a chauh tur lam pawh hi ngaihtuah lo in a duat thlahlel hian ka lo pangchang leh ṭhin a, mahse ka lakah phun nawina nei hauh lo leh chau lo ang mai hian min buaipui peihte hi ka hmangaih zual.

“Ah! Apa a lo che leh tawh” ka tihchuan ka dul chu hlim sawk sawkin a kut chuan a dawm nghal chata. Chutah ka pum chu rawn che leh dahin u Sawmpuia pawh anui nghal suk mai “Ka lalfanu chu a nu ang maia harh thit thetin a lo piang dâwn a nimaw?” a ti kher lehnghal, ngei awm thei hian a.